Saturday, October 27, 2012

تورکمنیستانئنگ غاراشسئزلیغی غوتلی بولسون



تورکمنیستان جمهوریتی نینگ 88 یاشی غوتلی بولسون!
Türkmenistan Jemhuriýetiniň 88 ýaşy gutly bolsun!


  تورکمنیستان جمهوریتی نینگ دویبونی باریپ 1924- نجی یئلدا توتان غایغیسیز آتابایف و ندیربای آیتاکوف ینگ مقدس یادلارینی و خاطیرالارینی حالقینگ آنگیندان سیلماق اوچین نیازوف اولارینگ هیکل لرینی یئقدیریپ، آدلارینی، داقیلان کؤچه لردن یوق اتدی. اما اول هیچ حاچان حالقینگ یوره گینه آرالاشیپ بیلمدی و مونی گلجکده سینانشجاقلارا باشارتماجاغینی ثبوت اتدی.
تورکمنیستان دولتی نینگ دویبی 1924- نجی یئلدا توتولدی و حأضیر تورکمنیستانلی لار اؤز جمهوریت لری نینگ 85 یاشینی تویلاماغا تاییارلانیارلار. غاراشسیزلیق واقعاسینا بولسا 18 یئل دولدی. اگر- ده یوردونگ تاریخیندا بولوپ گچیأن هر بیر تأزه واقعا اساس ادیپ آلینسا، اوندا اوغور دارغار. مثال اوچین چک جمهوریتی باریپ 1918- نجی یئلدا اطریش- مجارستان امپراطورلیغیندان غاراشسیزلیغینی غازانیپ، اؤزینی بیر ملی رسپوبلیکا حؤکمینده جار اتدی. ایکینجی جهان اورشی دؤورینده و اوندان بیرآز سونگرا مجبوری یاغدایدا ساویت سایوزی نینگ حاطارینا قوشدوریلدی، 91- نجی یئلدا ساویت سایوزی دارغاندان سونگرا چکسلواکی آزاتلیغینا قاویشدی و اوندان سونگرا دوستلیقلی گؤرنیشده چک بیلن اسلاواک دیین یورتلارا بؤلوندیلر. یؤنه هر یئلئنگ اکتبرینده هم چک لر هم- ده اسلاواکلار ملی دولت درجه سینه یتن سنأنی – 1918- نجی یئلی طوی- بایرام ادیپ گلیأرلر. اما بیزینگ تورکمنیستانیمیزدا نیازوف اؤزینی یکه- تأک قهرمان ادیپ گؤرکرمک ماقصادی بیلن گچن 70 یئل تاریخینگ اوستونه آتاناق چکیپ، اونی باسیرماغا سینانشدی. اما اول اونگا باشارتمادی و باشاراتمازام. سبأبی ارکانا دولت غورماق اوغروندا عزیز حانلانلارینگ، جنید حانلارینگ، غایغیسیزلارینگ، ندیربایلارینگ، کومشالی بؤریف لرینگ، اوراز تأچ ناظاروف لارینگ، آللا قولی قاراحانوف لارینگ، سیدمراد عوض بایفلارینگ... غانی بیلن سوواران گل توپراق هنیز بویسانچلی دم آلیار.

No comments:

Post a Comment